రామాయణంలో....
"మానిషాద ప్రతిష్ఠాంత్వమ్ అగమశ్శాశ్వతీ సమాః |
యత్క్రౌంచమిథునాదేకం అవధీః కామమోహితః "||
ఈ శ్లోకానికి భాష్యం అప్పలాచర్యులగారు చెప్పిన మూడవది తత్వార్థము:
ఆయన చెప్పిన తత్వార్థము ఆత్మ కథ !
ఆయన చెప్పిన తత్వార్థము చదివే ముందర కొంచెము అత్మ అన్న విషయము గురించి ఆలోచిద్దాము !!.
మనము ఆత్మ పరమాత్మల గురించి రెండే విషయాలు గుర్తుంచుకుందాము.
ఒకటి ఆత్మ పరమాత్మలకలయికే మోక్షమనబడుతుంది.
రెండవది ఆత్మకి తన శక్తి తనకే తెలియక తమో రజో గుణముల అధీనములోతప్పుదారులలో పోవడము , చివరికి ఆత్మ తనంత తానే తమో రజోగుణములను అంటే కోరికలను అధిగమించి నప్పుడు సత్వ గుణ ప్రధానం అవుతుంది. ఆత్మలో అంటే మనలో సత్వగుణము ప్రధానమైనప్పుడు ఆత్మకి తన శక్తి తెలుస్తుంది .
అప్పుడే ఆత్మ పరమాత్మల కలయిక - మోక్షము !
దీనిని ఇంకొంచెము విశదీకరిద్దాము !
ఆత్మకి తనలోనే పరబ్రహ్మత్వముందని తెలియక - రజో తమో గుణములకు లొంగి మనస్సు అనేక బాహ్యమైన కోరికలపైకి పోతుంది. ఆ కోరికలను అధిగమించి అంటే త్యజించి లేక వదిలేసి నప్పుడు ఆత్మ నిర్మలత్వము పొందుతుంది.
అది నిజం .
కోరికలులేనప్పుడు మన మనస్సులోని నిర్మలత్వము మనకే తెలుస్తుంది.
ఆత్మ నిర్మలత్వను పొందటమే సత్వగుణ ప్రధానమవడము అన్నమాట.
ఆత్మలో సత్వగుణప్రధానమైనప్పుడు స్వార్థభావము పోయి పరార్థభావము ఏర్పడుతుంది. అంటే తన స్వార్థము కోసము కాకుండా పరులు అంటే ఇతరుల స్వార్థము కోసము పనిచేస్తుంది అన్నమాట !
పరార్థములోనే పరమాత్మ కనిపిస్తుంది ఆత్మకి.
ఆత్మ పరమాత్మల ఏకత్వము అంటే కలయికే మోక్షము !
ఈ ఆత్మ పరమాత్మల కథ రామాయణములో ఎలా చెపుతారు అన్నది - భాష్యం అప్పలాచార్యులవారి చెప్పినది.
శరీరము లంక .
జీవుడు మనస్సుచేత శరీరములో బంధింపబడతాడు. మనస్సుతో సంబంధముకలుగగానే పరిశుద్ధమైన ఆత్మ కూడా కలుషితమౌతుంది. అంటే ఆత్మ అల్పత్వము కలది అగుతుంది. ఆల్పత్వము అంతే ప్రకృతి సహజమైన గుణములు వస్తాయి . ప్రకృతి సహజమైన గుణములు మూడు అవి సత్వము రజస్సు తమస్సు అనుబడునవి . తమో గుణము మోహము. రజో గుణము మనస్సు చంచలత్వము , సత్వగుణము ప్రకాశత్వము కలిగిస్తాయి.
లంక అనెడి శరీరములో తమో రజో సత్వ గుణ సంబంధులైన ముగ్గురు సోదరులు రావణ కుంభకర్ణ విభీషణులు వున్నారు.
రావణుడు రజోగుణము , కుంభకర్ణుడు తమోగుణము , విభీషణుడు సత్వగుణము తో సమానులు.
ఈ ప్రకృతి సహజమైన ఈ మూడు గుణములు ఆత్మని బంధించి , ఆత్మని పరమాత్మకి దూరము చేస్తాయి. ఆత్మ ఈ మూడు గుణములను అధిగమించి నప్పుడే బ్రహ్మ సాక్షాత్కారము అంటే పరబ్రహ్మముతో కలవడము అవుతుంది.
శ్రీరాముడు భగవత్స్వరూపము. శ్రీరాముడు తామస రజోగుణ సంబంధులైన కుంభకర్ణ రావణులను వధించి సత్వగుణ ప్రధానుడైన విభీషణుని పట్టాభిషేకముచేసి లంక అనెడి శరీరములో సత్వగుణానికి రాజ్యము ఇస్తాడు .
సత్వగుణ ప్రధానము అయినప్పుడు ఆత్మ పరమాత్మకు దగ్గర అవుతుంది.
ఈ లంకా కథలో రావణ కుంభకర్ణుల వధతో ఆత్మతో సమానమైన సీతాదేవిని బంధములోనించి బయటికి తీసుకురావడము , సీతారాముల సంగమము శ్రీరామ పట్టాభిషేకము ఆత్మ పరమాత్మల కలయికని నిరూపించినట్లు .
ఇదియే రామాయణములో ఉపనిషార్థము .
దీనినే రామాయణములో తత్వార్థము అని గూడా అంటారు.
ఇది మానిషాద .. శ్లోకములోని మూడవ తత్వార్థము
!! ఓమ్ తత్ సత్ !!
-
ఇంకో మాట !!
సెప్టెంబరు 1 అంటే సేమ్యా పరమాన్నము !!
( రెండవ భాగము)
సెప్టెంబరు 1 - సేమ్యా పరమాన్నము అన్న మాటకి విశేషము మా నాన్నగారి పుట్టినరోజు ( మావిజయ పుట్టినరోజు) సేప్టెంబరు ఒకటి అవడమే .
చిననాటి అనుభూతులు ఎప్పుడూ అందరికీ మథురమే - అది రాయడము అయింది !
ఆ సందర్భములో మా నాన్నగారి దగ్గర వుండే పుస్తకములు చూడడము అయింది.
అందులో ఒకటి -
" ఇన్ ద వుడ్స్ అఫ్ గాడ్ రియలైజేషన్ "
(In the woods of God realization !)
అవి స్వామీ రామతీర్థ గారి ఉపన్యాసాల పుస్తకము.
అవి ఎప్పటి ఉపన్యాసాలు అంటే .. విని కోంచెము ఆశ్చర్యపోతాము.
అవి 1902-06 లో అమెరికా పశ్చిమ తీరములోని San Francisco , Academy of Sciences Hall లో ఇచ్చిన ఉపన్యాసాలు.
అంటే స్వామీ వివేకానంద గారి చికాగో ఉపన్యాసల( 1893) తరువాత అన్నమాట. స్వామీ వివేకానంద ముఖ్యముగా చికాగో , న్యూయార్క్ ప్రాంతాలలో ఉపన్యాసాలు ఇచ్చారు. ఆయన ద్వారా హిందూ వేదాంతము గురించి intellectual level లో చాలామందికి తెలిసింది.
స్వామీ రామతీర్థ San Francisco ఉపన్యాసాలకి స్వామి వివేకానంద ఉపన్యాసాలు నాంది పలికాయన్నమాట !
ఆ పుస్తకము ( ఆ ఉపన్యాసాలు అన్నమాట) చదువుతూ ఉంటే మన హిందు వేదాంతము ఇంత సులభముగా ఏట్లా చెప్పగలిగారు అని ఆశ్చర్యము రావక తప్పదు.
ఇంతకీ ఈ పుస్తకానికి మా నాన్నగారికి సంబంధము ఏమిటి అని అనిపించవచ్చు !
అదే మా ఇంకోమాట !
ఆ పుస్తకములో అక్కడక్కడ టిక్కు మార్కులు అక్కడక్కడ " ఇమ్పార్టెంట్ " అని రాసి వున్నాయి. ఫుస్తకము లో చాలాచోట్ల వాక్యాల క్రింద పెన్చిల్ తో అండర్ లైను చేయబడడము కనిపిస్తాయి.
అందులోంచి కొన్ని వాక్యాలు :
" It is the denial of one's little self i.e. Ahankara even for a while in the heat of work or in the ecstacy of love .. is .. Vedanta in Practice "
" The shedding of our individuality or "I" for the time being is the secret of practical Vedanta"
" Judge not through the opinion of others . Be not hypnotized by the opinon of others. More a man stands above this weakness of being hypntized by others, the more free he is !!
ఒక పుస్తకములో చిన్న బుక్ మార్కు లాగా ఒకచోట కాగితము పెట్టి వుంది - ఆ చిన్న కాగితము 1974 newspaper తునక - అక్కడ రాసిన కథనము ఇది :
" what happens in our house holds ? Husband and wife have to help each other in working out his or her salvation, in acquiring the the perfect , the real knowledge or the Atman"
" Wife and Husband alike should do all in their power to add to the benifit of eachother. Dmenad nothing . expect nothing then everything will come to you . You will be filled with heaven"
" if you expect nothing and give, you will find happiness in giving. Happiness lies in the object in which it is represented. Do not represent your happiness in receiving, but in giving ; giving always gives happiness."
ఇవి చదివిన తర్వాత తెలిసింది :
నాన్నగారి పచ్చయప్ప కాలేజి డిగ్రీ తో నాన్నగారికి వేదాంతము చదవడము మీద ఆశక్తి ఉండేది అని.
ఆ పుస్తకములో రాశిన చిటికలు బట్టీ నాన్నగారికి వేదాంతంలో చాలా అవగాహన ఉండేది అని.
అమ్మ వేదాంతం నాన్నగారి వేదాంతం ఒకే మెట్టులో సాగాయని
వాళ్ళు ఈ వేదాంత ధోరణిలో మాట్లాడుకుంటూ ఒక స్థాయి చేరారు అని
పిల్లలకి వారి వేదాంత భాషణలో అవగాహన లేదని వాళ్ళకి తెలిసి వాళ్ళలో వాళ్ళే వాళ్ళ ఆత్మకి సంపూర్ణత కలిగించుకున్నారని
వాళ్ళలో వాళ్ళే వేదాంత పరిభాషలో మాట్లాడుకొని సంతృప్తి చెందారని అనిపిస్తుంది .
అమ్మ ఎప్పుడూ వేదాంతమో ఏదో రాస్తూనే ఉండేది అది అందరికీ తెలుసు ;
నాన్నగారు ఏమి చేస్తూ ఉండేవారు?
నాన్నగారికి సీరియస్ గా వేదాంతంలో రుచి ఉండేదా ,
లేక పోస్టాఫీసు ధోరణిలో లౌకికముగా లౌకిక కష్టనిష్టూరాలలో మునిగి తేలే వారా ?
అన్న ప్రశ్నలకు సమాధానము ఇప్పుడు నాకు తెలుసు>
నాన్నగారి వేదాంత ధోరణి వారి మిత భాషణలో వుంది
నాన్నగారి వేదాంతం వారి నెమ్మదితనంలో వున్నది
స్థితధీః మునిరుచ్యతే అన్న మాటకు నాన్నగారు ఒక ఉదాహరణ .
వాళ్ళు పిల్లల కోసము పడిన కష్టాలు చాలావున్నాయి
కాని వాళ్ళిద్దరి సమానమైన దృక్పథమే వాళ్ళని భవసాగరాన్ని దాటించాయి !!
అందుకే ఆ సెప్టెంబరు ఒకటి సేమ్యాపరమాన్నము చాలా రుచి !
||ఓమ్ తత్ సత్||
info@kasarabada.org
1 విజయనామ సంవత్సర శుభాకాంక్షలు
2 స్థితప్రజ్ఞుని గురించి - భగవద్గీతలో
3 అన్నదానం గురించి - అమ్మ మాట
6 - సేమ్యాపరమాన్నము -
సెప్టెంబరు 1st !!
7 శాంతి మంత్రాలు -
కార్యసిద్ధి మంత్రాలు !!
8 యజ్ఞము- తపస్సు - ధ్యానము
click here to go to telugu Home page !!
